Türkiyədə kosmik liman layihəsi üzərində iş gedir.

Bunu Bakıda səfərdə olan Türkiyənin ilk astronavtı Alper Gezeravcı bildirib.

"Kosmosla bağlı hədəflərimizə çatmaq, planlarımızı müəyyənləşdirdiyimiz tarixdə həyata keçirmək üçün bu layihənin icrasına başlamışıq. Kosmik liman ekvator xətti yaxınlığında yerləşəcək. Layihənin həyata keçirilməsi üçün çox böyük yol qət edilib. Hazırda 8 kosmik liman var ki, bunun da 6-sı daha çox tanınır. Bu gün maliyyə imkan olsa belə, peyk hazır olsa belə, onu orbitə çıxarmaq üçün azı 2-2,5 il növbədə gözləmək lazımdır. Təbii ki, işə fərqli müdaxilələr olmazsa", - deyə o qeyd edib.