Paşinyan Putinin andiçməsinə gedəcək?
Ermənistan Respublikası hökuməti baş nazir Nikol Paşinyanın mayın 7-də Rusiya prezidenti Vladimir Putinin andiçmə mərasimində iştirak edib-etməyəcəyinə hələ aydınlıq gətirməyib.
Modern.az-ın məlumatına görə, Ermənstan KİV-I hökumətə yazılı sorğu göndərərək Paşinyanın mərasimdə iştirak edib-etməyəcəyinə aydınlıq gətirilməsini xahiş edib.
“Ermənistan Respublikasının Baş nazirinin ofisi baş nazir Nikol Paşinyanın bütün səfərləri haqqında müvafiq məlumat verir”, - cavabda deyilib.
Bir neçə gün əvvəl jurnalistlər parlamentdə baş nazirdən Rusiya Federasiyası prezidentinin andiçmə mərasimində və mayın 8-də keçiriləcək Avrasiya İqtisadi İttifaqının yubiley sammitində iştirak edib-etməyəcəyini soruşublar.
Nikol Paşinyan bildirib ki, Avrasiya İqtisadi İttifaqının sessiyasında iştirak məsələsi müzakirə olunur, lakin Rusiya prezidentinin andiçmə mərasimində iştirak məsələsi cavabsız qalıb.
