İsrail Müdafiə Qüvvələrinin məlumatına görə, bu gün İsraildə yaşayan bir neçə yüz druz Əs-Süveydadakı toqquşmalara qarşı etirazlar fonunda Suriya ilə sərhədi keçib.

Bu barədə “The Times of Israel” xəbər verir.

İsrail Müdafiə Qüvvələri bildirir ki, baş verənlərə hazır olmadıqlarını etiraf edən hərbçilər onları İsrailə qaytarmaq üçün çalışırlar.

Hərbçilər Suriyanın cənubundakı Xader bölgəsindən suriyalı druzların İsrailə keçməsinin qarşısını aldıqlarını bildiriblər.

İsrail Müdafiə Qüvvələrinin məlumatına görə, Suriya hökumət qüvvələri Əs-Süveyda şəhərinin 70 %-dən çoxuna nəzarət edir. Şəhərin özündə 200-ə yaxın, ətraf ərazilərndə isə 1000 hərbçi var.

İsrail Suriya qüvvələrinin şəhəri tərk etməyəcəyi halda onlara zərbə endirəcəyi ilə bağlı xəbərdarlıq edib.