TAQ. az saytı xəbər verir ki, Azərbaycanda ötən ilin dekabr ayında gündəlik xam neft hasilatı
597,1 min barrel olub. Gündəlik neft hasilatı 717,6 min barrel olub ki, bunun 597,1 min barrelini xam neft, 120,5 min barrelini isə kondensat təşkil edib.
“OPEC plus” ölkələri nazirlərinin 22-ci iclasında qəbul edilmiş “Əməkdaşlıq Bəyannaməsi” çərçivəsində Azərbaycanın hasilatın azaldılması ilə bağlı öhdəliyinin dekabrda gündəlik 64 min barrel təşkil edəcəyi, gündəlik xam neft hasilatını isə noyabr ayı ilə müqayisədə 7 min barrel artırmaqla 654 min barrel həcmində saxlaması nəzərdə tutulurdu.
Qeyd edək ki, nazirlərin 23-cü iclasında qəbul edilmiş razılaşma çərçivəsində isə Azərbaycanda gündəlik xam neft hasilatının 2022-ci ilin yanvarında daha 7 min barrel artırılaraq 661 min barrelə çatdırılması, ixtisarla bağlı öhdəliyin isə 57 min barrel həcmində olması nəzərdə tutulur.

Günel İsayeva