TAQ. az dünya mətbuatına istinadən xəbər verir ki, yenilik Amerikada tətbiq olunub. Epilepsiyadan əziyyət çəkən Kronutt adlı dəniz pişiyinə köçürülən 200 minə yaxın sağlam donuz hüceyrəsi öz müsbət nəticəsini verib. Bir il öncə edilən ağır əməliyyat prosesindən sonra dəniz pişiyi yaxşılaşaraq normal çəkiyə və duruma qayıdıb.
Hazırda həkimlər eyni əməliyyatı insanlar üzərində tətbiq etməyi düşünür. Bunu düşünən alimlər əməliyyat alındığı təqdirdə tibb aləmində möcüzələr baş verəcəyini proqnoz verib.
Hazırda dünya üzərində 50 milyondan artıq insan epilepsiyadan əziyyət çəkir. Sağlam donuz hüceyrələri insanlardakı məhdud beyin hüceyrələrini əvəzlədiyi təqdirdə xəstəliyə ciddi əlac tapılmış sayılar. Məlumat üçün bildirək ki, epilepsiya - baş beyin neyronlarının həddən artıq güclü, hipersinxron boşalmasının klinik təzahürüdür. ET epileptik boşalmalara cəlb olunmuş baş beyin şöbələrinin funksional vəziyyətindən asılıdır və bu zaman ali baş beyin funksiyalarının pozulması, düşüncənin pozulması, anomal sensor və psixi hissiyyatlar, hərəki (motor) pozuntular, yayılmış tutmalar müşahidə olunur.
Qeyd edək ki, bir müddət əvvəl ABŞ-ın Merilənd Universitetinin Tip fakultəsində elm adamları ilk dəfə olaraq donuz ürəyini uğurlu əməliyyat sayəsində 57 yaşlı Devid Bennett adlı vətəndaşa köçürmüşdü. Əməliyyatdan sonra süni ürək daşıyıcısı özünü normal durumda hiss edir.

Günel İsayeva