Kreml: Donetsk vilayətinin Seversk şəhəri Rusiya ordusunun tam nəzarətinə keçib
Rusiya Prezidenti Vladimir Putin Kremldə Ukrayna müharibəsindəki vəziyyəti müzakirə etmək üçün müşavirə keçirib.
Bu barədə Rusiya Prezidentinin mətbuat katibi Dmitri Peskov bildirib.
Onun sözlərinə görə, müşavirədə “Donetsk Xalq Respublikası”nın (Ukraynanın Donetsk vilayəti-red.) şimalındakı vəziyyət müzakirə olunub.
Putin Severskin Rusiya Silahlı Qüvvələrinin tam nəzarətinə keçməsi ilə bağlı ətraflı məruzələri dinləyib.
Rusiya Prezidenti “xüsusi hərbi əməliyyat” zonasında (Ukrayna müharibəsi zonası-red.) bütün istiqamətlərdə yaxşı dinamikanın getdiyini qeyd edib.
Peskov Severskin Rusiya Silahlı Qüvvələrinin tam nəzarətinə keçdiyini və bu barədə Kremldəki müşavirədə söhbət getdiyini vurğulayıb.
