Azərbaycanın energetika naziri Pərviz Şahbazov və Səudiyyə Ərəbistanının energetika naziri şahzadə Əbdül Əziz bin Salman Əl-Səudun iştirakı ilə keçirilən mətbuat konfransında bu fikri söyləyib.


“Azərbaycanda yeni 240 MVt gücündə külək stansiyasının təməli qoyulub. Stansiya bizim enerji sistemimiz üçün xüsusi əhəmiyyət daşıyacaq, ildə, təxminən 1 milyard kilovat/saata qədər elektrik enerjisi istehsal edəcək, bunun nəticəsində biz təxminən 220 million kubmetr təbii qaza qənaət edə biləcəyik, təxminən, 400 min ton karbon tullantılarının qarşısı alınacaq”
Nazir həmçinin Azərbaycanın sosial inkişafının əsas prioritetləri çərçivəsində “yaşıl məkan” konsepsiyasına əsasən enerji sisteminin qarşısında böyük hədəflər qoyulduğunu da açıqlayıb.
“Bizim müəyyən öhdəliklərimiz var. 2030-cu ilə qədər elektrik enerjisinin istehsal gücündə bərpa olunan enerji mənbələrinin payını 30%-ə çatdırmaq, Qarabağ və Şərqi Zəngəzuru “yaşıl enerji” zonasına çevirmək. COP26-da biz öz öhdəliklərimizi yeniləyəndən sonra 2050-ci ilə qədər ölkə üzrə karbon emissiyalarını 40%-ə çatdırmağa və işğaldan azad edilmiş ərazilər üzrə sıfır emissiyalara nail olmaq istəyirik ”

Günel İsayeva