"Ölkələrimizi məsafələr ayırır. Lakın bizim ümumi gündəliyimizin və ümumi istəklərimizin həyata keçirilməsinə heç nə manə olmur.
Bu gün biz külək elektrik stansiyası üzrə razılaşmanın icra mərhələsinin başlandığını təməlqoyma ilə elan edirik. Dövlət başçısının birbaşa bizim bugünkü tədbirdə iştirakı məhz tərəfdaşlığımızın təzahürüdür"

Bu fikirləri Səudiyyə Ərəbistanının energetika naziri şahzadə Əbdül Əziz bin Salman Əl-Səud keçirilən mətbuat konfransında səsləndirib. Nazir iki ölkə arasında siyasi-iqtisadi münasibətlərin inkişafını yüksək qiymətləndirib.
"Biz görürük ki, ölkənizin rəhbərinin verdiyi dəstək sayəsində bizim münasibətlərimiz davamlı inkişaf etməkdədir və biz artıq bu razılaşmanın icrasına başladığımız zaman həmçinin ümid edirik ki, indi imzaladığımız anlaşma memorandumu vasitəsilə bizim münasibətlər daha növbəti bir səviyyəyə çatacaq və digər sahələri də əhatə edəcək"

Günel İsayeva