Cəlilabadın Göytəpə şəhərində Şəhidlər kompleksinin tikintisinə başlanılıb
Cəlilabad rayonunun Göytəpə şəhərində Şəhidlər kompleksinin tikintisinə başlanılıb.
"Report"un Muğan bürosunun məlumatına görə, tikinti işləri Göytəpə şəhərinin Qurtuluş küçəsində aparılır.
400 kvadrat metr ərazini əhatə edəcək kompleksdə Göytəpədən olan 44 şəhidin xatirəsi əbədiləşdiriləcək.
Kompleksin 8 noyabr Zəfər günü açılışı olacağı gözlənilir.
