Taq. az xəbər verir ki, tarixçi, alim Zaur Əliyev "facebook" şəbəkə hesabında maraqlı foto və məlumat bölüşüb. Fotodakı şəxs ikinci dünya müharibəsi illərində almanlara qarşı partizan hərəkatında iştirak edən Rəfiyev Cəlil Rəcəbəli oğludur. Tarixçinin bölüşdüyü həmin məlumatı olduğu kimi təqdim edirik.
"1940-cı ildə Finlandiya tərəfindən könüllü gedən Cəlil Rəfiyev 1941- ilə qədər savaşıb. Sonra yaralanaraq əsir düşür, üç dəfə Ukrayna, Fransa və sonuncu səfər İtaliyada düşərgədən qaçmağı da bacarır. İki dəfə qaçandan sonra yenidən əsir düşür, sonuncu səfər isə İtaliyada qaçıb kəndlərin birində gizlənir. Onu kənd caamatı qorumaq üçün İtaliya mafiyası üzvü kimi geyindirir. Üstəlik kənd camaatı onu o zaman mafiya üzvləri arasında məhşur olan Vittorio adı ilə çağrılır. Almanlar İtaliya mafiyası üzvlərinə toxunmadıqları üçün Cəlil Vittorio adı altında rahat gəzir, dolanır və İtaliya partizanları üçün informasiya toplayır.
Maraqlıdır ki, Mixailo alman zabiti geyimində, Cəlil də İtaliya mafiozu geyimində Almanlara zərbələr vurur.
İtaliyada Don Vittorio kimi silahlı formada toxunulmaz halda gəzən Cəlil Rəfiyevə Siciliya mafiyası Amerikaya köçməyi və orda böyük biznesə rəhbərlik etmək təklifi edilir. Amma heç kim bilmirdi ki, bütün günü küçədə əlində silah gəzən bu cavan mafioz İtaliya Kommunist Partiyasının üzvüdür və əsas işi almanlar barədə məlumat toplayıb onlara zərbə vurmaqdır.

Fotodakı Cəlil Rəfiyev İtaliya mafiyası üçün dəb olan geyimdədir. Əldə silah və kəskin baxışlar onun peşəkar döyüşçü olmasından xəbər verir.
Cəlil Rəfiyev 1991-ci ildə Bakıda rəhmətə gedib və ixtissasca jurnalist olub"
Qeyd edək ki, Şimali İtaliyada 2-ci dünya müharibəsi illərində 300-dən çox azərbaycanlının müqavimət hərəkatında iştirak edib.

Günel İsayeva