2 fevral respublikamızda 《 Gənclər günü 》qeyd olundu.
HARDASAN
Neçə arzu- diləkli,
Gur saçlı, saf ürəkli.
Gen sinə, tunc biləkli,
Ay gəncliyim, hardasan?
XXX
Sevgim həmin sevgidi,
Sevgilim də gənc idi.
Hər tərəf sevinc idi,
Ay gəncliyim, hardasan?
XXX
İllərdə izim qalıb,
Dillərdə sözüm qalıb.
Tək səndə gözüm qalıb,
Ay gəncliyim, hardasan?
XXX
Dönməz geri bir anım,
Coşmaz cavanlıq qanım.
Seyrəlir dörd bir yanım,
Ay gəncliyim, hardasan ?!
Abil İslam
Şair - jurnalist,
Prezident təqaüdçüsü,
TAQ.az saytının Baş redaktoru
