Şəkidə sel fəsadlar törədib
Şəkidə leysan fəsadlar törədib.
Mayın 24-ü axşam saatlarından başlayaraq ölkənin şimal-qərb bölgəsində hökm sürən qeyri-sabit hava Şəki rayonun Cəfərabad kəndi ərazisindən keçən Böyük Dəhnə çayında daşqına səbəb olub.
Daşqın nəticəsində çayın Cəfərabad kəndi ərazisindən keçən hissəsinin yaxınlığında yerləşən 5 evin həyətyanı sahəsinə və həyətdə olan köməkçi tikililərə sel suları dolub.
Daha iki yaşayış evinin birinci mərtəbəsinə sel suları dolub.
Səhər saatlarından müvafiq qurum nümayəndələri əraziyə cəlb edilib.
Mülkü müdafiə qüvvələrinin əməkdaşları həyətyanı sahələrə dolmuş sel sularını nasoslar vasitəsilə ərazidən kənarlaşdırması prosesinə başlayıblar.
