İran hökuməti bu ölkəyə xaricdən gələn əcnəbi zəvvarlarla bağlı yeni qərar qəbul edib.

Bu barədə Veteninfo.az-a hazırda İranda ziyarətdə olan azərbaycanlı zəvvarlar özəl məlumat verib.

Bildirilib ki, hökumətin yeni qərarına əsasən, hər xarici vətəndaşa hava bileti 100 dollar dəyərində müəyyənləşib.

Bu isə azərbaycanlı zəvvarlar arasında ciddi narazılığa səbəb olub. Belə ki, zəvvarlar qiymətləri bahalaşdırdığı üçün İran hökumətinə öz etirazlarını bildiriblər.

“Bizim aldığımız bilet özümüzə geri qaytarıldı. Səbəb isə xarici ölkənin (Azərbaycanın) vətəndaşı olduğumuz üçündür. 4 nəfərlik hava biletinə 180 dollar dollar ödədiyimiz təqdirdə biletlər geri qaytarılaraq bizdən 4 nəfərə 400 dollar istənildi. Əlavə olaraq isə hoteller, restoranlar, taksilər və demək olar ki, hər şey iki qat bahasına bizlərə təklif edilir” – azərbaycanlı zəvvar bildirib.