Türkiyə Azərbaycan İctimai Birliyi xəbər verir ki, bu gün Vətən torpaqlarımızı qoruyan, öz qanından, canından keçərək millətin şərəfli tarixini yazan və ən müqəddəs amal uğrunda qəhrəmancasına şəhidlik zirvəsinə ucalan Əliyev Adəm İlqar oğlunun doğum günü ilə əlaqədar anım tədbiri keçirilib.

Hələ sağlığında bir çox mükafatlarla təltif edilən Adəm Əliyev ölümündən sonra “Vətən uğrunda” medalına da layiq görülüb.

Keçirilən anım tədbirində şəhid Əliyev Adəm İlqar oğlu şəhadətindən sonra fəxri diplomla təltif edildi. Və həmin fəxri diplom birliyimizin təsisçisi Kənan Adıgözəlov tərəfindən şəhidimizin anası Akifə xanıma təqdim edildi.