Türkiyə və Azərbaycan 2023-cü ildə 10-dan çox birgə hərbi təlim keçirəcək
"2023-cü ildə 10-dan çox hərbi təlimin keçirilməsi planlaşdırılır".
Qarsda bir sıra ölkələrin iştirak etdiyi birgə qış hərbi təlimləri zamanı Türkiyə və Azərbaycanın müdafiə nazirləri görüşüb.
Azərbaycanın müdafiə naziri Zakir Həsənov türkiyəli həmkarı ilə görüşündə xüsusilə qeyd edib:
“Birgə hərbi təlimlər uğurla keçdi. Onlarda Azərbaycanın 70 hərbçisi və 23 zirehli texnikası iştirak edib”.
O, həmçinin vurğulayıb ki, 2023-cü ildə 10-dan çox hərbi təlimin keçirilməsi planlaşdırılır. Onların hamısı Türkiyə ilə birgə keçiriləcək.
