Bugün Türkiyə-Azərbaycan Qardaşlıq İctimai Birliyinin rəyasət heyyətinin iclası keçirildi. İclasda İB - in sədrləri, TAQ.az saytının əməkdaşları və üzvləri iştirak etdi. Tədbiri çıxış nitqi ilə açan Taq.az saytının Baş redaktoru Abil İslam birliyin yaranma tarixindən, onun türk dünyası üçün oynayacağı rolun əhəmiyyətindən, gələcəkdə görüləcək işlərin miqyasından bəhs etdi. İB-in Birinci müavini Əhməd Tağıyev, TAQ İB-in İnsan Resursları üzrə rəhbəri Yaşar Süleymanov birliyin təşkilatı işləri, gələcək planları və qarşıya qoyulan vəzifələrinə dair çıxış edərək iştirakçılara İB-nin yekun nizamnaməsində əks olunan maddələr barədə məlumat verdilər. Nizamnamədə Türkiyə və Azərbaycan arasında yalnız siyasi deyil,sosial, mədəniyyət, təhsil istiqamətində birgə layihələrin keçirilməsinə dair maddələr nəzərdə tutulub. Daha sonra TAQ İB-nin nümayəndələrinin yekdilliklə səsverməsindən sonra birliyin təsisçisi Kənan Adıgözəlov həm də İB-in sədri seçildi. Sədr Kənan Adıgözəlov bir daha iştirakçılara və ictimaiətə birliyin yaranma təşəbbüsündən və qarşıda duran vəzifələrindən danışdı. Bildirdi ki, ölkədə Türkiyə-Azərbaycan münasibətlərinə dair ilk İctimai Birlik olaraq yaradılıb və keyfiyyətli təşkilatlanma istiqamətində irimiqyaslı işlərin görülməsi birliyin əsas devizidir. Gələcəkdə İB-in ölkədə və xaricdə nümayəndəliklərinin açılması priotitet məsələ olaraq xüsusilə vurğulandı. Tədbirin sonunda sədr tərəfindən Elmira Əliyeva İB-in Qadınlar Şurasının sədri, Əhməd Tağıyev sədr müavini, Fikrət Əmirli Mədəniyyət məsələləri üzrə müşavir və digər iştirakçılar isə Bakı şəhərinin Xətai,Nərimanov, Binəqədi, Xəzər rayonları üzrə sədr nümayəndələri təyin edildi. Hər bir iştirakçı iki qardaş dövlətin rəmsi simvolu sayılan bayraq döş nişanı ilə təltif olundu.
Qeyd edək ki, TAQ İB Türkiyə-Azərbaycan ölkələrinin birliyinə dair yaradılmış ilk ictimai birlikdir.

Günel İsayeva
TAQ.az saytının muxbiri