Azərbaycan Respublikasında koronavirus (COVID-19) infeksiyasına 1477 yeni yoluxma faktı qeydə alınıb, 628 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 21 nəfər vəfat edib.


Xatırladaq ki, 24 oktyabr 2021-ci il tarixində 2036 yoluxma faktı və 25 ölüm qeydə alındığı açıqlanmışdı. 13 Dekabr 2020-ci il tarixində açıqlanmış fakt (4451) bugünədək qeydə alınmış ən yüksək günlük yoluxma sayı idi.

XXX

Azərbaycanda son sutkada koronavirus (COVID-19) əleyhinə 366 vaksin vurulub. Bir gündə birinci mərhələ üzrə vaksinasiya olunanların sayı 251, ikinci mərhələ üzrə vaksinasiya olunanların sayı 115 nəfərdir.

Ölkədə vurulan vaksinlərin ümumi sayı 9383669, birinci mərhələ üzrə vaksinasiya olunanların ümumi sayı 5060409, ikinci mərhələ üzrə vaksinasiya olunanların sayı isə 4323260 təşkil edir.