Rəqəmsal İnkişaf və Nəqliyyat Nazirliyindən TAQ.aza verilən məlumata görə nazirliyin tabeliyində fəaliyyət göstərən “Azərpoçt” MMC tərəfindən türk dünyasının üç tanınmış aşığı – Aşıq Ələsgər, Jambıl Jabayev və Yunus Emrenin yubiley tarixləri ilə əlaqədar poçt markası dövriyyəyə buraxılıb.
Markanın üzərində hər üç aşığın portreti və Beynəlxalq Türk Mədəniyyəti və İrsi Fondunun loqosu təsvir olunub.
5 min tirajla çap olunan markanın rəssam-dizayneri Orxan Qarayevdir.
Poçt markası ilə yanaşı, 200 ədəd Birinci gün zərfi hazırlanıb.
Qeyd edək ki, marka Beynəlxalq Türk Mədəniyyəti və İrsi Fondunun sifarişi əsasında çap edilib.

Günel İsayeva