"Avroviziya 2025" mahnı müsabiqəsinin Azərbaycandan olan şərhçiləri məlum olub.

Bu il keçiriləcək müsabiqəni məşhur ifaçı, musiqi prodüsseri, musiqiçi və pedaqoq Elnarə Xəlilova, həmçinin, televiziya və radio aparıcısı Ağa Nadirovun birgə şərhləri ilə izləyəcəksiniz.

13, 15 və 17 may tarixlərində İctimai Televiziyada birbaşa yayımlanacaq 69-cu Avroviziya mahnı müsabiqəsini 23:00-dan etibarən seyr edə bilərsiniz.

Qeyd edək ki, Azərbaycan müsabiqənin ilk yarımfinalında 10 nömrə altında çıxış edəcək.