TAQ. az xəbər verir ki, şəffaf maliyyə hesabatı

Astara rayon Hamoşam kənd bələdiyyəsində keçirilib.

Bələdiyyə sədri Rüfət Əliyev 2021-ci il hesabat iclasını vətəndaşların iştirakı ilə keçirib. Pandemiya və digər səbəblərdən media nümayəndəsi iştirak edə bilməsə də şəffaf maliyyə hesabatı sədr tərəfindən sosial şəbəkə üzərində paylaşılıb. Həmin maliyyə hesabatında qeyd olunur ki, il ərzində bələdiyyəyə
ümumi 4047 manat miqdarında vəsait daxil olub.
" 2000 manat torpaq icarə haqqı,
1950 manatı dövlət dotasiyası,
97 manat kommersiya məqsədi ilə torpaq sahənin ayrılması üçün ilkin rəy almaq üçün olub"

Bələdiyyə sədri Rüfət Əliyev həmin vəsaitin xərclənmə hesabatını da paylaşıb.
"Əmək haqqı 2350 manat. Vergilər 968 manat olub. Bura daxildir DSMF, ƏDV, işsizlikdən sığorta və icbari tibbi sığorta xərcləri.
Audit 400 manat, ekologiya 50 manat və
Silahlı Qüvvələrə Yardım Fonduna 65 manat,
Həmkarlara üzvlük haqqı isə 50 manat, bank (poçt) xidmətləri 56 manat, ilkin rəyin alınması üçün Əmlak Komitəsinə 97 manat xərclənib"

Ötən bir il ərzində görülən işlər də hesabatda yer alıb.

"İl ərzində bələdiyyədən 34 arayış verilib. Vətəndaşlardan 6 müraciət daxil olub. Onlardan ikisi şikayət, üçü torpaq sahəsinin ayrılması və biri torpaq sənədləşməsi ilə əlaqədar olub. Şifahi müraciətlər isə bura daxil deyil. Aidiyyəti qurumlardan isə bələdiyyəyə 8 məktub daxil olub "

İl ərzində bələdiyyə obyektiv və subyektiv səbəblərdən asılı olaraq heç bir layihə həyata keçirtməsə də yerli özünüidarəetmə qurumun icra etdiyi bütün işlər əmək haqqına ayrılan maliyyə və vətəndaşların dəstəyi ilə reallaşıb.

" Toradi kəndinə və məktəbə gedən yol təmir olunub. Bu məqsədlə 190 manat xərclənib. Bi yaylasına gedən yolun təmirinə görə 70 manat yanacaq üçün pul verilib.
Şəhidlərin şəklinin yenilənməsi məqsədlə 100 manat xərclənib.

Toradi kəndi ilə Lerik rayonu birləşdirən yolun istiqaməti iki istiqamətdən dəyişdirilib , yolda yaranan gölməçələr doldurulub. Ümumilikdə 14 maşın daş və çınqıl daşınıb, həmin gölməçələrə tökülüb. Bu məqsədlə ümumilikdə 370 manat xərclənib. 50 manat bələdiyyə yanacağa , 100 manat Cahil Hüseynov, 220 manat isə Lerik vətəndaşları ödəyib. Bir maşının daşınma haqqını Şamin Babazadə almayıb. Hamoşam kənd çayının axını keçilməz olduğu üçün, avtomobil keçidi ilə təmin olunub. O məqsədlə 30 manat yanacağa, 40manat traktora ödənilib. Ödənilən məbləğin 45 manatını bələdiyyə , 25 manatını da vətəndaşlar ödəyib. (Ehtiyac olsa, adlarını da yaza bilərəm )
230 manat Qarabağ əlili Araz Babayevin evinin bərpasına yardım məqsədlə , bərpa işinə rəhbərlik edən o zamankı icra nümayəndəsi Ağarəhim Abdulova verilib.
20 manat yas çadırının alınması üçün keçirilən yardım aksiyasına verilib. 10 manata Hamoşam çayı üzərindəki körpünün təmiri üçün sement alınıb.Yollar buz bağlayanda Hamoşam və Əsgərəkəran Bələdiyyə və icra nümayəndəliyi olaraq koordinasiyalı fəaliyyət göstərib, qum kisələrə doldurularaq daşınıb, buz örtüyün üzərinə səpilib. Daşınması ictimai əsaslarla həyata keçirilib. Bu məqsədlə maliyyə sərf olunmayıb"

Bələdiyyə sədri bildirdi ki, bu müddət ərzində 300- dən artıq əlavə dərs vəsaiti, test kitabları toplanılararaq Hamoşam və Toradi kənd məktəbin rəhbərliyinə ehtiyaclı uşaqlara paylamaq məqsədi ilə verilib. Bu xeyirxah əməl davam etməkdədir.

Qeyd edək ki, Rüfət Əliyev iki il öncə keçirilən bələdiyyə seçkilərində iştirak edərək üzv olaraq seçilmiş və son iki ayda isə bələdiyyə sədri vəzifəsinə keçid almışdır.
Onun sözlərinə görə məqsədi çalışdığı bələdiyyə sektorunda şəffaf iş sisteminə və bələdiyyənin yararlı bir qurum olmasına çalışmaqdır.

Günel İsayeva