Saytımıza daxil olan məlumata görə, Bakı şəhər sakini Vüsal Zeynalov Bakı şəhər 144 nömrəli tam orta məktəbin rəhbər kollektivi tərəfindən kobud və zorakı münasibətlə qarşılanıb. Hadisə bu gün səhər saatlarında yaşanıb. Vətəndaşın sözlərinə görə məktəbdəki pul yığılma və digər uşaqları narahat edən faktlara görə iki övladının yerdəyişməsi ilə bağlı məktəb rəhbərinə müraciət edib. Öncə onu qəbul etməyiblər. Daha sonra onunla birgə məktəbə gələn valideynlər də məktəbdəki haqsızlığa və yığılan rüşvətə qarşı etiraz ediblər. Bundan qəzəblənən məktəbin direktor müavini, təşkilatçı Kəmalə Mirzəliyeva və digər kollektiv əməkdaşları şikayətçiyə hücum çəkərək kobud və nalayiq ifadələrlə şəxsini təhqir ediblər.

" Məktəbdə etiraz edən 15 yaxın valideyn vardı. Müəllimlərin ad günündə, bayramlarda rüşvət yığılır. Etiraz edəndə otaqdan üstümüzə idmançılar kimi çıxdı hərbi hazırlıq və fiziki tərbiyə müəllimi təhqiramiz ifadələr işlətdilər. Çəkilişi də var"
Zərərçəkən deyir ki, müəllimlərin kobud davranışından Binəqədi rayon polis şöbəsinə gedərək birgə şikayət ediblər. Həmçinin olayla bağlı Təhsil Nazirliyinin qaynar xəttinə də məlumat ötürülüb.

Hazırda faktla bağlı araşdırma aparılır.

Günel İsayeva