Türkiyədə zəlzələ bölgəsindən 28 mindən çox insan təxliyə olunub.

Taq.az "Anadolu" agentliyinə istinadən xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Bildirilib ki, yerli vaxtla saat 11:38-ə qədər zəlzələnin yaşandığı 10 vilayətdən avtomobil yolu, dəmir yolu və hava yolu vasitəsilə ümumilikdə 28 044 nəfər digər bölgələrə evakuasiya olunub.

Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Təbii fəlakət zamanı ölənlərin sayı 12 873 nəfərə çatıb. Son məlumatlara görə, yaralı sayı 62 937 nəfərdir.