Bugün TAQ İB - nin baş ofisində keçirilən növbəti görüşdə İctimai Birliyin Bakı şəhəri üzrə seçilmiş namizədinin təqdimatı keçirilib. Təqdimatda TAQ İB -in rəhbəri Kənan Adıgözəlov, birliyin Bakı şəhəri, Xəzər rayon üzrə sədri Telman Kərimzadə, TAQ. az saytının Baş redaktoru Abil İslam, eləcə pedaqoq, şair, publisist Günəş Quliyeva və MTV kanalının əməkdaşları iştirak edib.

Tədbiri giriş sözü ilə açan Baş redaktor Abil İslam iştirakçılara İctimai Birliyin nizamnaməsi, indiyə qədər həyata keçirdiyi layihələr, tədbirlər və qarşıda duran gələcək vəzifələri barədə məlumat verərək, TAQ İB - in iki qardaş millətin iqtisadi, mədəni əlaqələrinin inkişafına böyük töhfə olacağından bəhs etdi. Ardınca elmi və yaradıcılıq fəaliyyətini iki ölkə ədəbiyyatının vəhdətinə həsr edən və hazırda ", Bəxtiyar Vahabzadə və Türk dünyası" adlı elmi araşdırmaçı, bu mövzuya dair silsilə məqalələr müəllifi olan Quliyeva Günəş Zakir qızı yekdilliklə İB-in Bakı şəhəri üzrə sədri təyin edildi. Birliyin sədri Kənan Adıgözəlov iki qardaş ölkə bayrağının simvolik döş nişanı ilə yeni sədri təltif etdi.
Yeni seçilmiş İB sədri Günəş Quliyeva belə bir təşəbbüsü yüksək qiymətləndirərək, gələcək fəaliyyətində ona olan etimadı doğruldacağına söz verdi: " İllərdir ki, elmi və pedaqoji fəaliyyətim, yaradıcılığım məhz iki qardaş millətin ədəbiyyat, mədəniyyət sahəsinə birbaşa bağlı olduğu üçün belə bir İctimai Birliyin Bakı şəhəri üzrə sədri seçilməyim ikiqat doğum günümdə hədiyyə oldu. Həqiqətən altı ildir ki, "Bəxtiyar Vahabzadə və Türk dünyası" adlı mövzuda elmi iş üzərində çalışıram və çoxsaylı elmi, publisistik məqalələrin müəllifiyəm. Türkiyə və Azərbaycanı yalnız siyasi deyil, mədəni və iqtisadi münasibətlər birləşdirir.

İki qardaş millətin birliyini təcəssüm etdirən İctimai Birlik ölkədə bir ilkdir. Özüm pedaqoq olaraq çalışıram və illərdir bu birliyin ictimai şəkildə mövcud olmasını gözləyirdim ki, yaradılması həqiqətən təqdirəlayiq haldır. İşim təhsil və ədəbiyyatla bağlıdır. İki türk xalqının ədəbiyyatı, mədəniyyəti çox zəngindir. Çalışacam ki, mənə olan etimadı məhz öz fəaliyyətimlə töhvə verim və iki xalqın ədəbi-mədəni əlaqələrində vasitəçi olaraq mühüm rol oynayım"

Sonda MTV kanalı birliyin baş ofisində çəkiliş edərək, yeni seçilmiş sədrin çıxışını, təltifetmə mərasimini lentə aldı.

Qeyd edək ki, TAQ İB-in Bakı şəhəri, Xəzər rayonu üzrə seçilən Telman Adıgözəlov da döş nişanı ilə təltif olunaraq öz peşə vəzifəsinin icrasına start verdi.