Zelenski növbəti dayanacağını açıqladı
Ukrayna prezidenti Volodimir Zelenski Şərqi Avropa turnesinin növbəti dayanacağının Slovakiya olacağını açıqlayıb.
O, teleqram kanalında Slovakiya rəhbərliyi ilə bir sıra danışıqlar aparmağa hazırlaşdığını qeyd edib.
“Növbəti dayanacağım Slovakiyadır. Bratislavada prezident Zuzana Çaputova, baş nazir Ludovit Odor, Milli Şuranın sədri Boris Kollar ilə mühüm görüşlər olacaq. Etibarlı qonşumuzla birlikdə konkret müdafiə dəstəyi və Ukraynanın Avro-Atlantik inteqrasiyasından danışacağıq”, - deyə Zelenski yazıb.
Qeyd edək ki, Zelenski Bolqarıstan, Çexiya, Türkiyə səfərlərindən sonra Slovakiyaya gedir.
