TAQ. az xəbər verir ki, iclas İctimai Birliyin sədr müavini Səkinə Bayramovanın moderatorluğu ilə baş tutub. İclasda ötən bir həftə ərzində görülən və planlaşdırılan işlər barədə danışılıb. Məlum olub ki, birliyə hər yeni gün yeni üzvlər qəbul edilir və əhatə dairəsi genişləndirilir. TAQ İctimai Birliyinin Səbail Rayon təşkilatın rəhbəri Yeganə Qəhrəmanova bildirdi ki, Bolqarıstanın Varna universitetinin təşkil etdiyi elmi konfransda iştirak edib. İctimai Birlik və pedaqoq adından "Şumer Azərbaycan bağlılığı" mövzusunda mühazirə ilə çıxışı diqqət çəkib. Həmçinin elmi heyyət birlik daxilində əməkdaşlığa dəvət edilib. Eləcə də Kərkükdə də birliyin nümayəndəliyinin təsis edilməsi istiqamətində danışıqlar aparılması faktı da çıxışda qeyd olunub.
TAQ İB - nin Balakən və Qax rayonları üzrə təşkilatından bildirildi ki, artıq bir sıra kəndlərdə etibarlı və potensiallı üzvlər birliyə cəlb olunub, davamlı maarifləndirmə, təbliğat-təşviqat işləri həyata keçirilir. Birliyin Balakən rayon sədri Nəfisət Vahid hazırda həmin rayondan iki müharibədə şəhid olan 196 şəhid haqqında kitab hazırladığını qeyd etdi. Maraqlıdır ki, xanım əməkdaş şəhidlərin keçdiyi döyüş yoluna nəzər salmaq üçün hər bir qəhrəmanın şəhid olduğu döyüş bölgələrinə onların ailə üzvləri ilə birlikdə baş çəkir, yerindəcə araşdırma faktları toplayır. Göyçay rayon təşkilatının nümayəndəsi isə bir sıra keçirdiyi tədbirlərdən və birliyə cəlb etdiyi üzvlərdən danışdı. Birliyə cəlb edilən yeni təyinatlar isə Türkiyə Azərbaycan Qardaşlıq İctimai Birliyinin əhəmiyyətindən və türk dünyası naminə görə biləcəyi işlərdən bəhs ediblər. Ən qabarıq mövzu Şummer əlifbasının Azərbaycanla tarixi bağlılığı və oxşarlığı mövzusu oldu ki, mövzu ətrafında gənc və təcrübəli əməkdaşlarla birlikdə geniş müzakirələr getdi.
Onlayn iclasda əməkdaşlar tərəfindən edilən yeni təkliflər müzakirə edildi, iradlara aydınlıq gətirildi.
Ümumi müzakirələrdən sonra rəhbərlik daxil qərara alındı ki, yaxın zamanda İctimai Birliyin 20 Yanvar və köməksiz insanlarla bağlı iki böyük tədbiri keçirilsin.

Günel İsayeva