Taq. az xəbər verir ki, Türkiyə Azərbaycan Qardaşlıq İctimai Birliyinin Xəzər rayon üzrə təşkilatının yeni ofisi açılıb. Açılış mərasimində İctimai Birliyin sədri Kənan Adıgözəlov, sədr müavini Səkinə Bayramova, Bakı şəhəri üzrə sədri Günəş Quliyeva, beynəlxalq əlaqələr üzrə müavini Emil Tağıyev, Sabunçu rayon sədri Zakir Quliyev, Suraxanı rayon təşkilatının sədr müavini Hüseyn Hüseynov və TAQ. az kollektivi iştirak edib.
Çıxış öncəsi iki dövlətin himni səsləndirilib, şəhidlərin xatirəsi bir dəqiqəlik sükutla yad edilib.
Təşkilat sədri Telman Kərimzadə Mərdəkan qəsəbəsində yeni ofisi açmaqla birliyin iş fəaliyyətini genişləndirmək, Xəzər rayona daxil ətraf qəsəbə və kəndlərdə geniş təbliğat, maarifləndirmə, birliyə sağlam üzvlərin cəlb işini artırmaq istədiyini bildirdi. Qısa müddətə 3 minə yaxın şəxsi təşkilatına üzv edəcəyinə söz verdi.
"Mən birliyin inkişafı naminə əlimdən gələni edirəm və bu nümunəvi bir birlikdir. Mən indiyə qədər Türkan, Qala, Zirə, Şüvəlan, Mərdəkan, Şağan qəsəbələrində icra və bələdiyyələrlə danışıqlar etmişəm, kənd camaatı ilə mütəmadi görüşlər edirəm. Bir xeyli üzvlər cəlb etmişəm, cəlb işini sağlam təfəkkürlü insanlar arasında davam etdirirəm, qazi və şəhidlərin siyahısını götürüb tədbirlərimi keçirmək fikrindəyəm"
İctimai Birliyin sədri Kənan Adıgözəlov və digər iştirakçılar çıxışlarında Telman Kərimzadənin iş fəaliyyətini dəyərləndirərək iki ay ərzində gördüyü işlərə nəzər yetirməklə fəaliyyətini yüksək qiymətləndiriblər.
Sonda İctimai Birlik adından təşkilat sədrinə "fəxri diplom" və Suraxanı rayon təşkilat sədrinin veteranlar üzrə müavini Hüseyn Hüseynova iki dövlətin bayrağını əks etdirən döş nişanı təqdim olunub.

Günel İsayeva