Bugün TAQ. az saytına Bakı şəhər sakini Zeynalov Vüsal Fazil oğlundan şikayət daxil olub. Şikayət Dövlət Əmək Müfəttişliyinin onun barəsində çıxardığı qərarla bağlıdır. Adı çəkilən şəxs iddia edir ki, ona qarşı qurum tərəfindən haqsızlıq edilib. Həmin şikayətdə bildirilir ki, Vüsal Zeynalov fiziki şəxs olaraq 2021-ci ilin 18 oktyabr tarixindən 28 noyabr tarixinə qədər Salmanov Cavid Firudin oğlunun sürücülük xidmətindən yararlanıb və ödənişini edib. Lakin bir müddət sonra barəsində Dövlət Əmək Müffətişliyinə edilən şikayət onun qanunsuz cərimələnməsi ilə nəticələnib. Belə ki, barəsində çıxarılan İnzibati tənbeh vermə haqqında 24 yanvar 2022-ci il qərarına görə Azərbaycan Respublikasının Əmək Məcəlləsində nəzərdə tutulmuş əmək müqaviləsi hüquqi qüvvəyə minmədən Salmanov Cavid Firidun oğlu yuxarıda qeyd olunan 40 gün müddətində müəyyən işlərin (xidmətin) yerinə yetirilməsinə cəlb olunub. Bununla da Azərbaycan Respublikası İnzibati Xətalar Məcəlləsinin 192.1 maddəsində nəzərdə tutulan xətanı törətdiyindən təqsirləndirilən şəxsin adına 3000 manat dəyərində inzibati cərimə növü tətbiq edilib.
Hazırda şikayətçi Zeynalov Vüsal Fazil oğlu isə onun barəsində tətbiq olunan xəbərsiz cərimədən və protokoldan şikayət edir. Onun sözlərinə görə, fiziki şəxs olaraq Salmanov Cavidlə sadəcə sürücü kimi 40 günlük çalışıb və ancaq nəqliyyat lazım olandan onunla birgə işləyib. Sonradan onun iş yerinə baş çəkilmədən və özü ilə əlaqə saxlamadan barəsində hüquqi şəxs qismində protokolun tətbiq olunmasını və adına üç minlik manat dəyərində cərimə yazılmasını dövlət qurumu adına qeyri qanuni əməl kimi qiymətləndirir. Çünki hər iki tərəf arasında xidməti müqavilə bağlanmayıb.
"Mən fizik şəxs olduğum halda bizim ofisə baxmadan, reyd keçirmədən mənə hüquqi, vəzifəli şəxs kimi 3000 manat dəyərində cərimə protokolu yazılıb. Bunun bir adı var savadsızlıq, rüşvətxorluq. Mən hər şeyi deyəcəm. Bir müddət əvvəl Babək və Anar adlı iki əmək müffətişi hər biri ayrılıqda 200 manat miqdarında pul istədilər ki, bu məsələ bağlansın. Düzü, onların qeyri qanuni rüşvət istəməsi və mənim fiziki şəxs olaraq qeydə alındığımdan bunu qeyri qanuni hesab etdim və onlar çağıran zaman həm də mən yas məclisində iştirak etdiyimdən gedə bilmədim. Əvəzində isə məni hüquqi şəxs kimi qələmə verərək 3000 min manatlıq adıma cərimə yazıblar. Mən həm də Cavidlə bir ay ərzində nəqliyyat lazım olandan olana sürücü kimi işləmişəm. Axı onu işə almamışam, o mənim işçim olmayıb. Bu qeyri qanunidir"
Təqsirləndirilən şəxs şikayəti işıqlandırmaqla haqq səsini geniş ictimaiətə çatdırmaq və qanun pozuntusuna hüquqi müstəvidə layiqli qiymətin verilməsinə nail olmaq istəyir.
Qarşı tərəfin də mövqeyini dinləyərək dərc etməyə hazırıq.
Qeyd edək ki, Vüsal Zeynalov jurnalist fəaliyyəti ilə məşğul olur.