ŞAİR DÜŞÜNCƏLƏRİ ABİL İSLAM - YENİ ŞEİRLƏR
ÇOX SEVDİYİM...
Çox sevdiyim birisi var,
Onda qürur, onda vüqar.
Qlsqanmıram,..
Onun çoxlu sevəni var.
Mavi gözlüm, al yanaqlım, yaşıl donlum.
XXX
Həzin - həzin rəqs edir o,
Zirvələrə yol gedir o.
Ümid verir, bədhaxlarım
Yol kəsəndə,
Mavi gözlüm, al yanaqlım, yaşıl donlum.
XXX
Sevənləri çoxdur onun,
Qısqanmıram.
Fərəhimdi, sevincimdi,
Həm altunum, həm incimdi,
Mavi gözlüm, al yanaqlım, yaşıl donlum.
XXX
Kor edirsən düşmən gözün ,
Bəzəyirsən şair sözün.
Abil İslam sevir səni,
Qəlbi çoşur, dəniz kimi.
O heç kəsi sevməyəcək,
Sənin qədər, sənin kimi.
Mavi gözlüm, al yanaqlım, yaşıl donlum.
Ay - ulduzlu bayrağım !
Q A Y I D I Ş I M I Z
Nə qədər həsrətli köçdü dünyadan ,
Torpaq deyə - deyə, yurd deyə - deyə.
Torpaq səs göndərdi, uçan durnadan,
Toy - bayram olacaq, qayıdışımız.
XXX
Sanmayın o yerlər bağça - bağlıdır,
Düşmən taptağından qəlbi dağlıdır.
Tələsmə el oğlu, yollar bağlıdır,
Toy - bayram olacaq, qayıdışımız.
XXX
Yenə açılacaq lalə, qızıl gül,
Mehə naz edəcək, həm xarı bülbül.
Gül nazın yenə də çəkəcək bülbül,
Toy - bayram olacaq, qayıdışımız.
XXX
Gözləri güləcək, buz bulaqların,
Cığırı ağarar, dağ - yaylaqların.
Dost payı olacaq balın - qaymağıın,
Toy - bayram olacaq, qayıdışımız.
XXX
Təbiət dağlara qar ələyəcək,
Hamı subaylara toy diləyəcək.
Bizləri gözləyir xoşbəxt gələcək,
Toy - bayram olacaq, qayıdışımız.
XXX
Bir vaxt gəncliyimi qoyub getmişəm,
30 illik ömrə, çox zülm etmişəm.
İndi arzulara, kama yetmişəm,
Toy - bayram olacaq, qayıdışımız.
XXX
Yenə bulaq üstə kəsilər quzu,
Kəklikotu ilə, səpilər duzu.
Qaranquş həsrətlə gözləyər yazı,
Toy - bayram olacaq, qayıdışımız.
XXX
Yenə göz oxşayar, bağların barı,
Əlvan çiçəkləri öpəcək arı.
Abil qonaq gələr, gəzər dağları,
Toy - bayram olacaq, qayıdışımız !
YAXŞI HƏKİMLƏR
Can etdik əmanət, etməz xəyanət,
Ümiddir, inamdır yaxşı həkimlər.
Onlara hər yerdə var rəğbət - hörmət,
Ümid çırağıdır yaxşı həkimlər.
XXX
Xəstəsi olanda qaçar yuxusu,
Geydiyi ağ xalat, həyat qoxusu.
Xəstəyə bağlıdır ömrün çoxusu,
Ümid çırağıdır, yaxşı həkimlər.
XXX
Həbə şəkər qatar, şirin sözüylə,
Xəstəyə ruh verər, gülən gözüylə.
O sevinc gətirər daim özüylə,
Ümid çırağıdır, yaxşı həkimlər.
XXX
Dost olur şəfasın tapan hər insan,
Həkim, xəstə cana, verir yeni can.
Sizlərə əmanət, bu Azərbaycan,
Ümid çırağıdır, yaxşı həkimlər.
XXX
Donan damarlarda coşdurar qanı,
Ölümün əlindən qurtarar canı.
Şəfa bulağıdır, onun hər anı,
Ümid çırağıdır yaxşı həkimlər !
29.07.2021
SON ZƏNG
Yaman tez yetişdi ayrılıq dəmi,
Elə bil sahildən ayrılır gəmi.
Seyrinə toplayır bütün aləmi
Son zəngin sədası, son zəngin səsi.
XXX
Saat əqrəbləri ürək əsdirir,
Qovaraq zamanı hey tələsdirir.
On bir illik yolu bizə kəsdirir,
Son zəngin sədası, son zəngin səsi.
XXX
Göz yaşı parlayır yanağımızda,
Sözümüz üşüyür dodağımızda.
Xatirə yaradır varağımızda,
Son zəngin sədası, son zəngin səsi.
XXX
Abil də yaşayıb həmin anları,
Gördükcə kövrəlir bu fidanları.
Xəyalda yaşadır o zamanları,
Son zəngin sədası, son zəngin səsi.
SALAM
Salam Allahın adı,
Salamla dostu, yadı.
Salam ruhun qanadı,
Salam, insan övladı !
XXX
Salamla qışı, yazı,
Yaşat bu xoş avazı.
Salam çoxaldar azı,
Salam, insan övladı !
XXX
Seçmə böyük, uşağı,
Sanma səndən aşağı.
Ol mərifət qoçağı,
Salam, insan ovladı !
XXX
Allah edir imtahan,
Azma yolu, ay insan.
Ömür - gün olar zindan,
Salam, insan övladı.
XXX
Adamlıq boya baxmaz,
Çay dönüb, tərsə axmaz.
Lovğalıq taxta çıxmaz,
Salam, insan övladı !
XXX
Keçmişi ucuz tutma,
Halala haram qatma.
Haqqı nahaqqa satma,
Salam, insan övladı !
XXX
Xərclədin cavanlığı,
Unutdun şoranlığı.
Şoranda çobanlığı,
Salam, insan övladı!
XXX
Abildən xatırlatm…
ALMADIN...
Yaz, yay, payız, qışı olur illərin,
Yaddaşında iz buraxır ellərin.
Açılırsa, solmağı var güllərin,
Kaş insanın ömrü nakam solmasın.
XXX
Ağaclar da yarpaq açar, çiçəklər,
Ətir saçıb, bihuş edər ləçəklər.
Bəzən göydən yerə enər mələklər,
İnsanlar da din - imansız olmasın.
XXX
Allah bizi yaradıbdı pak - təmiz,
Yalan vəddən cana doyub ölkəmiz.
Uca dağlar, var yurdumda göy dəniz,
Bu varlıqlar yaman əldə qalmasın !
XXX
Qanun olub imkanlıya məsləhət,
Düz yaşamaq, kasıba olub qismət.
Kasıb xalqdan əskik olmasın hörmət,
Mərdin işin Allah bərkə salmasın.
XXX
Abil İslam, namərdə baş əymədin,
Sən heç kəsin qəlbinə də dəymədin.
Nakişini, yalançını söymədin,
İnsan deyib, vecinə də almadın !
