Estoniyanın enerji sisteminin operatoru "Elering", Latviyanın "Augstsprieguma tīkls" (AST) və Litvanın "Litgrid" şirkətləri artıq Rusiyadan elektrik enerjisi almayacaqlar.

Taq.az xarici KİV-ə istinadən xəbər verir ki, bununla bağlı ölkələr arasında saziş imzalanıb.

"İyunun 1-dən etibarən ölkələrin elektrik enerjisi bazarı yalnız Polşa və Skandinaviya ilə bağlıdır. Bu qərarın səbəblərindən biri ödənişlərlə bağlı problemdir, çünki əvvəllər Rusiyaya pul köçürdüyü bir neçə bank indi sanksiyalar altındadır. Bundan başqa, Baltikyanı ölkələr Rusiya şirkətlərinə ödəniş etmək istəmirlər", - deyə məlumatda qeyd olunub.

Estoniya enerji sisteminin operatorunun fikrincə, iyunun əvvəlindən həyata keçirilən tədbirlər pik yük dövrlərində iştirak edən Rusiyada Baltikyanı enerji sistemlərinin ehtiyat gücündən asılılığını azaldacaq. Şəbəkənin sabit işləməsini təmin etmək üçün yerli operatorlar yalnız Baltikyanı ölkələrdə və digər şimal Avropa ölkələrində yerləşən ehtiyat gücündən istifadə etməyə davam edəcəklər.

Baltikyanı enerji sistemi 2025-ci ilə qədər Avropa enerji sistemi ilə yekun sinxronizasiyaya qədər Rusiya sisteminə fiziki bağlı qalacaq.

Xəbər verildiyi kimi, mayın 22-dən Baltikyanı ölkələr Rusiyadan enerji , yəni neft, elektrik və ya təbii qaz idxalını tamamilə dayandıracaqlar . Bundan əvvəl Baltikyanı ölkələr Polşa ilə birlikdə Rusiyanın nəqliyyat təcridini elan etmişdilər .