Rusiyanın Ukraynaya qarşı müharibəsi ən azı bir il davam edə bilər.

Bunu Böyük Britaniyanın müdafiə naziri Ben Uolles LBC-yə müsahibəsində deyib.

"Rusiya təkcə Ukrayna xalqının həyatına deyil, həm də öz əsgərlərinə tamamilə etinasızlıq nümayiş etdirdi. 12 ayda 188 min rus əsgəri həlak olub və ya yaralanıb. Bu, prezident Putinin fəlakətli səhv hesablamasının və hücumunun nəticəsidir", - o, bildirib.

Uolles əlavə edib ki, Putin artıq bütün Ukraynanı işğal etmək məqsədinə nail ola bilməyib, ordusunun 97%-i artıq müharibəyə cəlb olunub və tanklarının üçdə ikisi artıq məhv edilib.