2021-ci ilin yanvar-noyabr ayları üzrə Azərbaycanda təxminən 31,6 milyon ton neft hasil edilib. Ötən illə müqayisədə 16,5 min ton azalma var.
TAQ.az saytı xəbər verir ki, neft hasilatının 20,6 milyon tonu “Azəri-Çıraq-Günəşli”nin, 3,8 milyon tonu (kondensat) “Şahdəniz”in payına düşüb. SOCAR üzrə neft hasilatı isə 7,2 milyon ton təşkil edib.
Həmçinin 25,7 milyon ton neft ixraca nəql olunub. Ötən ilin müvafiq dövrünə nisbətən, ixrac isə 334 min ton olub, yəni 1,3 faiz azalma var.
Eyni dövr ərzində ölkədə 39,7 milyard kub metr təbii qaz hasil edilib ki, ötən ilin dövrünə nisbətən 17,8 faiz, yəni 6 milyard kub metrə yaxın artım var.
Xaricə qaz satışında isə 39,8 faiz artım var. Xaricə satılan 16,9 milyard kub metr qazın 7,7 milyard kub metri Türkiyəyə , 7,3 milyard kub metri isə Avropaya, 1,8 milyard kub metr qaz isə Gürcüstana ixrac edilib. Bir il ərzində BTC boru kəməri sisteminə 92 milyon kub metr, Türkiyəyə TANAP-la isə 5,1 milyard kub metrdən çox qaz nəql olunub.

Qeyd edək ki, ölkədə neftin emalı 6,1 milyon ton təşkil edib. Ötən illə müqayisədə isə 756,6 min ton artım deməkdir.

Günel İsayeva