"TAQ" İB-nin baş ofisində tələbələrlə görüş keçirildi. Tədbirdə "TAQ" İctimai Birliyin sədri Kənan Adıgözəlov, TAQ. az saytının Baş redaktoru Abil İslam, İctimai Birliyin Bakı şəhəri üzrə sədri Günəş Quliyeva və ADPU-nin nəzdində Azərbaycan Dövlət Pedaqoji kollecinin fəal tələbələri iştirak etdi. Çıxış edənlər bildirdi ki, İctimai Birlik Türk dünyasının birliyi, inkişafı və parlaq gələcəyi naminə düşünülərək yaradılmış ilk birlikdir. Bu birlik gələcək fəaliyyətində iqtisadi, siyasi, sosial məsələlərlə yanaşı, təhsil və mədəniyyət mövzusunda da qardaşlıq cəmiyyəti formalaşdıracaq. "TAQ" İB - nin Bakı şəhəri üzrə sədri Günəş Quliyeva bildirdi ki, təyinatının yeni olmasına baxmayaraq həm pedaqoqu olduğu Azərbaycan Dövlət Pedaqoji kollecində, həmçinin Türkiyədə əməkdaşlıq etdiyi ədəbiyyat, mədəniyyət sahəsindəki ziyalılar arasında təbliğat, maarifləndirmə işləri aparır, hər iki tərəfdən gənc, ziyalı üzvləri, təmsilçiləri İctimai Birliyə cəlb edir.
Tədbirdə öz fikirləri və həyata keçirdiyi maraqlı layihələri ilə seçilən Azərbaycan Dövlət Pedaqoji kollecinin fəal tələbələri- Məltəm Rəhimova, Fatimə Tapdıqzadə, Lamiyə Əsgərova, Xədicə Qaraşlı və Tamara Əliyeva "TAQ"
İB-in Bakı şəhəri üzrə nümayəndəliyinin üzvləri olaraq seçildi. Bu təyinatdan razı qalan tələbələr də çıxış edərək öz istedadlı əl işləri ilə indiyə qədər ölkədə şəhid ailələlərinə dəstək olduqlarını, iki qardaş millətin mədəniyyət və təhsil istiqamətindəki layihələrində aktiv iştirak etdiklərini qeyd etdilər.
Gələcəkdə də İctimai Birliyin əsas təmsilçiləri olaraq çoxşaxəli işlər görəcəklərinə və maraqlı təşəbbüslərlə çıxış edəcəklərinə söz verdilər.
Sonda tələbələr "TAQ" İB kollektivi ilə birgə xatirə şəkli çəkdirdi.