Azərbaycan Qars Başkonsulluğu 20 Yanvar 1990-cu il tarixində Sovet Ordusunun Azərbaycanın paytaxtı Bakıya daxil olması ilə yaşanan qanlı qətliamın 32 ci ildönümü ilə əlaqədar anım mərasimi təşkil edib. Anım tədbirində Qars vilayətinin rəhbəri, əməkdaşları, ziyalılar və Türkiyə Azərbaycan Qardaşlıq İctimai Birliyinin Qars şəhəri üzrə təşkilatının sədri Mehmet Erdagöz və üzvləri iştirak edib. Başkonsul Nuru Quliyev 20 yanvar qətliamı səhərində bir milyon azərbaycanlının Azadlıq meydanında toplanaraq , dövlətinə, torpağına, milli kimliyinə və mədəniyyətinə sahib çıxtığını xatırlatdı. 32 il öncə Azərbaycan xalqının işğalçılara qarşı verdiyi mücadiləni Türk xalqının 15 iyulda verdiyi mücadilə ilə eyni olduğunu söylədi.
“ Əgər diqqət etsək görərik ki, Azərbaycan tarixində işğalçı düşmənə qarşı dirənişin başlanğıcı 20 Yanvardır. İnsanlarımızın öz müqədaratını əlindən almaq istədilər. Dövlətimizə, torpaqlarımıza, milli kimliyimizə sahib çıxmaq istədilər. Eyni dirəniş 2016-cı ilin 15 iyulunda Türkiyədə yaşandı. Bizim üçün 20 Yanvar nə isə, Türkiyəmizin də 15 iyulu bizim üçün eynidir. O zaman da Azərbaycan Türkiyənin yanında yer alan ilk ölkə oldu. Bu gün bu iki günü bir-birinə bənzətməklə bir türk olaraq, Türk dünyasının eyni düşüncələrlə torpaqlarına sahib çıxmasının şahidi olduğumuzu vurğulamaq istəyirəm”
Tədbir iştirakçıları 20 Yanvar şəhidlərinin ruhuna sayğı əlaməti olaraq Heydər Əliyevin Qarsdakı büstünə qərənfillər qoyulub. Ardınca anım tədbiri Qafqaz Universitetinin Ahmet Arslan Mədəniyyət və Konqress Mərkəzində davam etdirilib. Bütün şəhidlərin ruhu bir dəqiqəlik sükütla yad edilib, hər iki dövlətin milli himni səsləndirilib. Sonda 20 Yanvara faciəsinə aid video nümayiş etdirilib, sərgi təşkil edilib.

Günel İsayeva