Taq.az saytı xəbər verir ki, İctimai Birliyin Türkiyə Respublikası üzrə seçilən sədri "Akademik Tarix və Düşüncə" dərgisinin baş redaktoru Hakan Yılmazdır. Onlayn vasitəsi ilə keçirən təqdimatda illərdir fəaliyyətini dərgiyə həsr edən Hakan Yılmaz türk dünyası xalqlarının tarixinə, elm və ədəbiyyatına mühüm töhfələr verən dərginin fəaliyyətindən, iki qardaş millətin mədəni, ədəbiyyat, elm, sosial sahələr istiqamətdə gördüyü işlərdən, imza atdığı layihələrdən bəhs edib və İctimai Birliyin dərnəklə bir əqidə, məslək vəhdəti təşkil edəcəyinə inamını bildirib.

" Daha sıx çalışmalarımız gərəkir ki, böyük Azərbaycan və Türkiyənin tarixi, ədəbiyyatı, mədəniyyəti zəngindir, bu istiqamətlərlə yanaşı, sosial-iqtisadi sahələrdə də sıx iş birliyi yaradaraq böyük işlər, layihələr həyata keçirilməsinə maraqlıyıq. Ortaq iş birliyimiz buna güc və inam verir. Bu birlik Türk dünyası xalqlarının birliyini özündə ehtiva edir ki, iki qardaş dövlətin adına İctimai Birlik olaraq yaradılması təqdirəlayiq haldır"
Hakan Yılmaz onu da əlavə etdi ki,

"Akademik Tarix və Düşüncə" dərgisi artıq "TAQ" İB - nin bütün layihə və fəaliyyətini dəstəkləyərək yayım və təbliğatına xüsusi yer ayıracaq. Yaxın zamanlarda dərginin yeni nəşriyyat evi açılacaq ki, türk dünyasına yönəlik fəaliyyət nəşr edilən dərgilərdə öz əksini tapacaq. Türkiyə İctimai Qardaşlıq İB - nin müəllifi olduğu layihələrə də işıq salınıb türk dünyasına mesajlar ötürüləcək. Bu dərgi və birlik vəhdəti fonunda iki qardaş türk dövləti üçün böyük nailiyyətdir.

"TAQ" İB- nin sədri Kənan Adıgözəlov başda olmaqla İctimai Birliyin Bakı şəhəri, rayonları və bölgələr üzrə təyin olunmuş sədrləri, müavinləri də Türkiyə sədri Hakan Yılmazın çıxışını dinləyərək sonda şəxsinə minnətdarlıq edib , iki türk dövlətin birgə fəaliyyətinə böyük töhfələr verəcəyinə inamlarını ifadə ediblər.