TAQ.az saytı xəbər verir ki, həftənin ilk iş günü üçün planlaşdırılan birliyin iclası baş tutub. İclas zoom proqramı vasitəsilə ilə keçirilib. İclasın ənənəvi sədri Səkinə Bayramova tərəfindən öncə Bakı şəhər, ardınca rayon sədrlərinə söz verilməklə görülən və planlaşdırılan işlər barədə müzakirə aparılıb. Bildirilib ki, TAQ İB - nin Bakı şəhər üzrə sədri Günəş Quliyeva və ona tabe sədrlər və müavinlərlə birgə bu ay daxilində iki mədəni tədbirin keçirilməsi planlaşdırılır. Yeni üzvlər cəlb olunur və boş qalan müavin vəzifələrinə uyğun namizədlər axtarılır.
İctimai Birliyin Səbail rayon sədri Yeganə Qəhrəmanova məruzəsində birliyə savadlı, gənc üzvlərin cəlbi ilə yanaşı, Rusiyanın və Türkiyənin bir sıra şəhərlərində elm ocaqlarında, mədəni birliklərində vasitəli təbliğat və təşviqat kampaniyası aparıldığını mədəni, güclü əlaqələrin qurulması istiqamətində danışıqlar prosesinin davam etdirildiyini qeyd etdi. 14 yanvar tarixində Türkiyə - Azərbaycan arasında müstəqillikdən sonra diplomatik münasibətlərin 30 illik yubileyi ilə bağlı hazırlanan videoçarx daxil anım tədbirin keçirilməsi nəzərdə tutulur. Eləcə də iki elmi konfransa dəvət alınıb ki, orda da birlik adından xüsusi məruzə olacaq. Bakı şəhər üzrə Xəzər rayon sədri Telman Kərimzadə, Xətai rayon sədri Gülşən Mustafayeva, Abşeron rayon sədri Nahid Mansurov cəlb etdikləri müavin və üzvlərin sayından, rayon daxilində apardıqları təbliğat-təşviqat məsələsindən söz açıblar. Birliyin müavinlərindən Sevinc Sadıqova pedaqoq və təşkilatçı olaraq təcrübəsini bölüşüb, təkliflərini irəli sürüb, aktiv, savadlı və vətənpərvər gənclər arasında apardığı təbliğatdan bəhs edib.
Türkiyədən qoşulan Mehmet Özdəmir yanvarın 7-dən 10- na qədər keçirilən "Sarıqamış" faciəsinin 107- illik silsilə yubiley mərasimlərində Türkiyə Azərbaycan Qardaşlıq İctimai Birliyinin türkiyəli təmsilçisi olaraq iştirak etdiyini və rəsmi qurumlar arasında təbliğat işləri apardığını bildirib.
İclasda Cəbrayıl, Şirvan, Masallı, Balakən, Şamaxı rayon və Gəncə şəhər sədrləri də iştirak etdi. Onlar da birlik naminə gördükləri işlər, planlaşdırdığı tədbirlər barədə məlumat verdi. Onları maraqlandıran təklif və iradlara dair fikir mübadiləsi aparıldı.
Sonda bəzi təklif və iradlara aydınlıq gətirildi.

Günel İsayeva