Türkiyə Azərbaycan Qardaşlıq İctimai Birliyinin yeni təyinatı baş ofisində təsdiqləndi. Təyinata görə, Filologiya elmlər doktoru, pedaqoq Bayramova Səkinə Adil qızı Türkiyə Azərbaycan Qardaşlıq İctimai Birliyinin sədrinin Hüquq Siyasət və İdeoloji işlər üzrə müavini olaraq təyin olundu. Səkinə Bayramova indiyə qədər 2 monoqrafiya, 100-dən artıq elmi puplisistik məqalələrin müəllifi və bir sıra elmi kitabların redaktoru olub. Onun fəaliyyəti yalnız Azərbaycanla kifayətlənmir. Türkiyə Respublikasının elm, mədəniyyət, media sahəsində də xidməti əlaqələri olan ictimai şəxsdir. Təqdimatda iştirak edən Türkiyə Azərbaycan Qardaşlıq İctimai Birliyin sədri Kənan Adıgözəlov çıxışında bildirib ki, bu birlik ölkədə iki türk dövlətinin inkişafı və qardaşlığının daha da inkişafı, birliyi, parlaq gələcəyi naminə yaradılmış ilk İctimai Birlikdir. Artıq birlik daxilində 37 vəzifə üzrə bir sıra təyinatlar baş tutub ki, təyinatların seçimində ziyalılıq dərəcəsi ilə, müəyyən xidmətləri ilə seçilən və iki dövlət daxilində birgə əməkdaşlığı olan şəxslərə üstünlük verilir. "TAQ" İctimai Birliyin əsas amalı,Türkiyə-Azərbaycan Respublikaları arasında iqtisadi, siyasi, media, mədəni və sosial sahələrdə güclü əlaqələrin qurulmasında bir körpü rolunu oynamaq və iki qardaş milləti bir-birinə daha sıx amallar, güclü ideoloji birlik ətrafında birləşdirməkdir. Belə bir İctimai Birlikdə çalışmaq, təyinat almaq məmnunluğunu ifadə edən yeni sədr müavini gələcək fəaliyyətində xidmətləri ilə birliyə yeni töhfələr bəxş edəcəyinə, fəaliyyətinin çoxşaxəli olacağına söz verdi.
Digər təyinat isə "Türkiyə Azərbaycan Qardaşlıq" İctimai Birlik sədrinin Beynəlxalq Əlaqələr üzrə müavini təyinatı üzrə oldu. Bu vəzifəyə yekdilliklə Qasımova Qumru Abbas qızı təyin olundu.
Sonda TAQ İB kollektivi yeni sədr müavinləri ilə birə xatirə şəkli çəkdirdi.

Günel İsayeva
Taq.az